عالم اسلامی کی نامور درسگاہ مدینہ یونیورسٹی سعودی عرب نے طلبہ کے لیے سکالر شپ کی سہولت ختم کر دی

مدینہ یونیورسٹی سعودی عرب ایک معروف تعلیمی درسگاہ تھی جہاں نہ صرف پاکستان بلکہ دنیا بھر سے مسلم طلبہ سکالر شپ پر اعلیٰ تعلیم کے حصول کے لیے آتے تھے۔ غیر ملکی طلبہ کو نہ صرف تعلیم کی سہولت مفت میں حاصل تھی بلکہ ماہانہ سکالر شپ کی مد میں ان کو اچھی خاصی رقم ادا کی جاتی تھی۔ جبکہ موجودہ سسٹم کے تحت اب طلبہ کو اپنے خرچے پر اور بھاری فیسوں کی ادائیگی کے ساتھ مدینہ یونیورسٹی میں تعلیم ملے گی۔

یونیورسٹی کی سائٹ پر تازہ فراہم کردہ فیس شیڈول کے مطابق کسی بھی

ڈپلومہ کورس یا بیچلرز ڈگری کے لیے              10,000         ریال     پر سمسٹر

ماسٹر ڈگری کے لیے                                   15,000         ریال     پر سمسٹر

            اس کے علاوہ مقالہ کی تیاری میں        10,000         ریال     پر سمسٹر

پی ایچ ڈی ڈگری کے لیے                          20,000         ریال     پر سمسٹر

            اور مقالہ کی تیاری میں                      12,000         ریال     پر سمسٹر

ادا کرنا ہوں گے۔

ان فیسوں کا اطلاق اگلے تعلیمی دورانیہ سے شروع ہو رہا ہے۔ جس میں خلیجی ممالک‘ سعودی شہریوں کو کسی قسم کی کوئی رعایت نہیں جبکہ غیر ملکیوں (صرف مرد طلبہ) کو 30% رعایت دی جائے گی۔